विद्युतीय विजक सम्बन्धी सूचना

कारोबारको प्रकृति अनुसार उपभोक्ता/ग्राहकलाई प्रत्यक्ष रूपमा बीजक जारी नगर्ने बैंक/वित्तीय संस्था जस्ता निकायहरू बाहेक वार्षिक कारोबार रु. २० करोडभन्दा बढी गर्ने सबै करदाताहरूले अनिवार्य रूपमा विद्युतीय माध्यमबाट बीजक जारी गर्ने र सो बीजक जारी गर्दाकै बखत यस विभागको केन्द्रीय बीजक अनुगमन प्रणाली (CBMS) मा आबद्ध गर्ने यस विभागको मिति २०८२/१२/२७ गतेको निर्णय भएकाले, उक्त निर्णय कार्यान्वयन गर्न/गराउन सम्बन्धित सरोकारवाला करदाता तथा कार्यालयहरूको जानकारीका लागि यो सूचना प्रकाशित गरिएको वेहोरा अनुरोध छ।